Основано во 2005 година, една од главните цели на Американското катче е корисниците да го доживеат учењето на јазикот како фиктивно патување низ американската култура, во удобна и гостопримлива средина што предизвикува стремеж, љубопитност и желба за продлабочување на знаењето и љубовта кон англискиот јазик.
Клучно во изучувањето на англискиот јазик во Американското катче е интеракцијата. Во Катчето, посетителите имаат можност да се вклучат во интересни дискусии, да учествуваат во динамични групни активности, како и програми и работилници преку употреба на автентични американски медиуми, од литературата до музиката и филмот. Исто така преку усовршување на јазичните вештини, посетителите имаат увид во нијансите на американскиот живот и општество.
Еден од најпривлечните аспекти на учењето англиски јазик во Американското катче е тоа што нуди можности за вмрежување со луѓе чиј мајчин јазик е англискиот. Веќе 19 години Катчето гради значајни меѓукултурни односи преку клубови за дискусија, курсеви по англиски јазик, гостински предавања на американски дипломати, како и културни настани со истакнати Американци. Исто така, редовно се практикува комуникација на англиски јазик преку настаните, програмите и работилниците што се одржуваат во овој простор. Катчето поседува многубројни книги, списанија и материјали печатени на англиски јазик, кои се достапни за членовите. Покрај усовршувањето на англискиот јазик, Американското катче им нуди на посетителите можност да развијат пошироко знаење од различни области преку дискусии за актуелни настани, дебати за општествени прашања и истражување на американската историја и политика.
Програмите за англиски јазик во Американското катче Скопје честопати имале силно влијание врз слушателите. Како резултат на овие програми учесниците редовно доаѓаат во Катчето, развиваат критичко мислење и ги споделуваат своите искуства со нивниот круг на пријатели, семејството и колегите. Низ годините, Катчето е сведок на многу успешни приказни за тоа како учеството во програмите што ги организира отвора можности за студирање во странство, размена на искуства или напредување во кариерата.
Want to print your doc? This is not the way.
Try clicking the ⋯ next to your doc name or using a keyboard shortcut (
Американско катче