Explore

FOM Bilimar bazasi

O'rnatish tartibi

FOM dasturiy ta'minotini samarali joriy etish rejasi

Ushbu hujjat — bizning dasturlarimizni muvaffaqiyatli va tez o'rnatish bo'yicha sizning yo'riqnomangizdir. Uning asosiy maqsadi — sizga, biznes egasi sifatida, har bir bosqichga tayyorgarlik ko'rishga yordam berish, joriy etishga ketadigan vaqt va xarajatlarni qisqartirish, shuningdek avtomatlashtirishdan birinchi foydani tezroq olishdir.

⁠

O'rnatish tartibi.pdf

52.3 kB

⁠

Tartib

1. Ariza va maslahat

Dorixona egasi birlamchi maslahat olish uchun turli yo‘llar bilan murojaat qila oladi: menejerga bevosita murojaat qilish, fomgroup.uz saytida ariza qoldirish yoki 71 207 08 08 raqamiga qo‘ng‘iroq qilish.

Dastlabki tayyorgarlik:

Asosiy maqsadni va muammo belgilang. Maqsadni ko‘rsatkichlar bilan ifodalash foydali: masalan, “likvidmas qoldiqni 20%ga kamaytirish” yoki “o‘rtacha chekni 15%ga oshirish”.

Maslahat: Vazifa va muammoni aniq ifodalang — shunda taklifimiz ham aniq bo‘ladi. Qiynalsangiz, menejer yordam beradi. Maqsadni aniqlashda

ko‘rsatkichlar⁠

asos bo‘lishi mumkin.

2. Dasturiy yechimni tanlash

Menejer bilan birgalikda sizning maqsadlaringizga mos keladigan optimal yechimni toping, tanlang.

Dastlabki tayyorgarlik:

O‘zingizning dorixonangizda qaysi ish jarayonlari rivojlanishga to‘sqinlik qilayotganini oldindan aniqlab oling.

Masalan: “sotuv statistikasi bo‘yicha tezkor qaror qabul qilish qiyin”, “aksiya va chegirmalarni rejalashtirishda chalkashliklar bo‘ladi”, “tovar harakati bo‘yicha aniq tasavvur yo‘q”. Bu kabi misollar bizga eng mos texnologik yechimni tavsiya etishda yordam beradi.

O'ylab ko'ring, to'rtta

asosiy jarayondan⁠

qaysi biri ustida ishlash sizga birinchi navbatda eng ko'p foyda keltiradi:

Assortimentni shakllantirish va tovarga buyurtma berish?

Narxlar va marjinallikni boshqarish?

Sotuv va farmatsevt tavsiyalarini boshqarish?

Xodimlarga mehnat haqi to'lash va motivatsiya?

3. Shartnoma tuzish

Menejer siz bilan shartnomani tayyorlaydi va kelishadi.

Dastlabki tayyorgarlik:

Hujjatlarni to'g'ri rasmiylashtirish uchun kompaniyangiz rekvizitlarini, va birlamchi dorixona ma’lumotlarini tayyorlang:

Dorixona nomi

Dorixona manzili

Dorixona telefon raqami

Dorixona Yuridik INN-si

⁠

Fom.uz⁠

saytida telefon raqamingiz bilan shaxsiy kabinetda ro‘yxatdan o‘ting.

Ro‘yxatdan o‘tgandan so‘ng, menejerga xabar bering

4. O'rnatish (Texnik bosqich)

FOM texnik xodimi dorixona kompyuteriga masofadan ulanib, yoki dorixonaga borib quyidagi ishlarni bajaradi:

Dastur va kerakli komponentlarni o‘rnatadi (F-Apteka, F-Summary, F-Kassa, SQL, .NET va h.k.);

Tizimni ishga tushiradi va dastlabki testdan o‘tkazadi.

Dastlabki tayyorgarlik:

Kerakli uskunalarni oldindan tayyorlab qo‘yishni tavsiya qilamiz, bu o‘rnatish jarayonini tezlashtirishga yordam beradi.

Kompyuter(lar)

texnik talablarga⁠

mos kelayotganiga e’tibor bering;

Agar printer, skaner kabi qo‘shimcha qurilmalarni ishlatishni rejalashtirayotgan bo‘lsangiz, ularni ham oldindan tayyorlab qo‘yish foydali bo‘ladi;

Dorixonada elektr va internet aloqasi bo‘lishi kerak;

Kompyuter va qurilmalar elektrga ulangan va soz holatda bo‘lishi kerak;

Mas’ul xodim o‘rnatish vaqtidan oldin ogohlantirilsin va aloqada bo‘lsin;

Qo‘shimcha savollar bo‘lsa: o‘z menejeringizga, texnikga murojaat qiling.

5. Dasturdan foydalanishni o‘rganish

Instruktor (yo‘riqchi) sizning xodimlaringizga dasturni qanday ishlatishni ko‘rsatadi, real vaziyatlar asosida tushuntirish ishlarini olib boradi, savollarga javob beradi va Bilimlar Bazasi bilan tanishtiradi.

Dastlabki tayyorgarlik:

Texnik yoki instruktordan dasturga kirish uchun admin va xodimlar login va parollarni oling.

Xodimlaringizning kompyuter savodxonligi. Agar xodimlar o‘z kompyuter savodxonligini oshirmoqchi bo‘lsalar, pastdagi sahifada tanlangan video darslar bilan mustaqil shug‘ullanishlari mumkin.

Kompyuter savodxonligi · FOM Bilimar bazasi⁠

⁠

O‘rganish vaqtini mijozlar yoq, yoki mijozlar oqimi minimal bo‘lgan vaqtga rejalashtiring.

Agar xodimlar o‘z vazifalarini yaxshiroq bajarishni istasalar, ular

Bilimlar Bazasining⁠

tegishli bo‘limlari bilan tanishib chiqishlari mumkin — bu ularga tez-tez beriladigan savollarga mustaqil javob topish, amaliy ko‘rsatmalarga rioya qilish va o‘qitishdan ko‘proq foyda olishga yordam beradi.

Maslahat: O‘qitish jarayonini videoga olib, dorixonangizning saqlab qo‘ying. Bu kelajakda ishchilar almashganda katta foyda beradi.

6. Foydalanishni boshlash

Xodimlar kundalik ishda dasturdan foydalanishni boshlaydilar.

Xodimlarning dasturni muntazam va to‘g‘ri ishlatayotganini tekshirib boring.

Yuzaga kelgan muammol, savollar birinchi kunlardanoq yozib boring — bu holatni tahlil qilish va zarur yordamni ko‘rsatishga yordam beradi.

Yordam: Birinchi ish kunlarida savollar tug‘ilsa,

texnik yordam kontaktlari⁠

FOMSupportbot⁠

orqali murojaat qiling, yoki

FOM Bilimar bazasi⁠

qidiruvdan foydalanib sovolingizga javob topishingiz mumkin.

Dastlabki tayyorgarlik:

Har bir xodim, jumladan siz ham, dasturga kirish uchun barcha kerakli login va parollarni olganligingizga ishonch hosil qiling.

Dasturda ishlash uchun barcha kerakli ruxsat va rollar o‘rnatilganligini tekshiring. Dorixona egasi yoki mudirga administrator huquqlari beriladi.

Maslahat: Birinchi kunlarda xatolardan qo‘rqmang. Asosiysi — barcha operatsiyalarni faqat yangi tizimda qayd etish va muammolarni imkon qadar erta aniqlab, hal qilishdir.

7. Natijalarni tahlil qilish va tuzatishlar kiritish

Dorixona egasi/mudiri menejer bilan birgalikda birinchi tahlil, hisobotlarni oladi.

Dastlabki tayyorgarlik:

Foydalanishni boshlagandan 2-4 hafta o'tgach, menejer bilan qo'ng'iroqni rejalashtiring.

Xodimlardan fikr-mulohazalarni to'plang: nima qulay va nima qiyinchilik tug'dirmoqda?

⁠

Sizning dorixonangiz ko'rsatkichlari⁠

bo'limiga tayanib, birinchi hisobotlarni tahlil qiling.

Maslahat: Dasturiy ta'minotni joriy etish — bu yakuniy nuqta emas, balki yangi bosqichning boshlanishi. Doimiy takomillashtirish uchun ma'lumotlarni muntazam tahlil qiling va jarayonlarga tuzatishlar kiriting.

⁠

Natija

Ushbu rejaning barcha bosqichlaridan o'tib, siz shunchaki "o'rnatilgan dastur"ga emas, balki natija keltiradigan ishchi tizimga ega bo'lasiz:

Sozlangan va barqaror dasturiy ta'minot, ishga tayyor holatda.

Dastlabki ta'limdan o'tgan xodimlar. Yodda tuting, to'liq mahorat amaliyot bilan keladi, shuning uchun xodimlarga ko'nikish uchun vaqt bering va nazoratni bo'shashtirmang.

Dorixona o'sishi uchun poydevor: siz aniq boshqaruv qarorlarini qabul qilish uchun asos bo'ladigan aniq ma'lumotlarni to'plashni boshlaysiz.

⁠

8. Keyingi qadamlar — dorixonani rivojlantirish va samaradorlikni oshirish yo‘li

O'rnatish va dastlabki o'qitish tugagandan so'ng, quyidagi bo'limlarni chuqur o'rganishingizni tavsiya qilamiz:

⁠

Dorixona ish jarayonlari / usullari⁠

— muvaffaqiyatli dorixonalar qanday ishlashini o‘rganing va eng yaxshi amaliyotlarni tatbiq eting.

⁠

Keyslar: dorixona natijasini oshirish⁠

— muammolarning real yechimlarini ko'rish uchun.

Hisobotlar va

ko‘rsatkichlar⁠

monitoringi:

Har hafta va har oyda avtomatik hisobotlarni kuzatish tartibini joriy eting.

Dorixona samaradorligini baholash uchun asosiy korsatkichlarni aniqlang va monitoring qilib boring.

Fikr-mulohaza va rivojlanish takliflari:

Har oy yakunida jamoangizdan nima ish berdi, nima qiyin bo‘ldi degan savollar asosida fikr-mulohaza to‘plang.

Yaxshilanish uchun ustuvor yo‘nalishlarni belgilang (masalan: mijozlar bilan ishlash, zaxiralar nazorati, kassaning aniqligi va h.k.).

Xodimlar malakasini oshirish:

⁠

FOM Bilimar bazasi⁠

bilan xodimlarni tanishtiring: u yerda tizimdan foydalanish bo‘yicha yo‘riqnomalar, videolar, muhim javoblar mavjud.

Har bir xodim o‘z yo‘nalishiga mos bo‘limni o‘rganib chiqishi kerak (kassa, buyurtmalar, ombor va h.k.).

Bazaga doimiy murojaat qilish odatini shakllantiring — savol tug‘ilganda avval u yerdan javob izlash.

Doimiy o‘qitish va tajriba almashinuvi sessiyalarini tashkil eting.

Murakkab holatlar bo‘yicha “savol-javob” sessiyalarini rejalashtiring.

Yordam jamoasi bilan aloqa:

Har oy texnik yordam/instruktorlar bilan fikr almashish: tizimdagi o‘zgarishlar, yangiliklar, va takliflar.

Texnik muammolar va takomillashtirish g‘oyalari bo‘yicha bitta umumiy fayl yoki chat oching.

Tushunchalar bazasi (Lug'at)

Agar ish jarayonida notanish atamaga duch kelsangiz (masalan, "Assortiment matritsasi", "Bek-marja"), bizning

Lug'at⁠

ga murojaat qiling.

⁠

Tez-tez uchraydigan xatolar (ularga yo'l qo'ymang)

"Xodimlar bir necha soatda o‘rganib olishadi" O‘rganish — bu jarayon. Dasturga moslashish uchun biroz vaqt talab etiladi. Shuning uchun xodimlarga vaqt bering va darhol mukammal natijalarni kutmaslikni tavsiya qilamiz.

"Uskunani keyinroq sotib olamiz"

Texnik talablar⁠

mos kelmaydigan kompyuterlar — ishda nosozliklar kelib chiqishining asosiy sababi bo‘lishi mumkin. Dasturiy ta’minotni o‘rnatishdan oldin zarur texnikani tayyorlab qo‘yishni tavsiya qilamiz.

"Maqsad — shunchaki avtomatlashtirish" Noaniq yoki umumiy qo‘yilgan maqsad — natijalardan norozilikka olib keladi. Biz sizga aniq va

o'lchanadigan natijaga⁠

belgilab olishni tavsiya qilamiz: qanday natijani qachon ko‘rmoqchisiz?

"Dasturdan nimani kutayotganimizni bilmaymiz" Loyihaning boshlanishidanoq, dasturdan qanday foyda olinishi va qanday jarayonlarni optimallashtirishi kerakligini aniqlashtirish muhim. Bu – kutilgan natijalarni aniqlashtirishga yordam beradi.

"Texnika bor, lekin internet ishlamaydi yoki juda sekin" Kompyuter/noutbukning holatini va internet aloqasini oldindan tekshirishni tavsiya qilamiz.

"Trening bu shunchaki tushuntirish deb o‘yladik" Trening — bu jarayonni o‘zlashtirishdagi muhim bosqich. Biz tavsiya qilamiz: trening davomida xodimlar faqat tinglamasligi, balki amaliyotda o‘zi bajargan holda, savollar berib, ishonch hosil qilgan holda o‘rganishlari kerak.

"Xodimlar mashq qilishga vaqt topa olishmadi" Yangi dasturda mustahkam ishlash uchun mashq qilish zarur. Shu boisdan treningdan keyin qisqa vaqt bo‘lsa ham, mashq qilishga imkon yaratishni tavsiya qilamiz.

"Instruktor o‘rgatdi, lekin esda qolmadi" Trening chek-list asosida bo‘lsa, xodimlar o‘zlari xohlagancha yozib olishlari, keyinchalik esa mustaqil takrorlab olishlari mumkin. Bu ularga aniq ko‘rsatmalar va ishonch beradi. Chek-list namunasi:

O'rganish / Moslashuv tartibi⁠

— bu orqali xodimlar va dorixona egasi nima o‘tilgani va nima qolib ketganini baholashi mumkin.

"Hammani admin qilib qo‘ydik — shunchaki qulayroq" Kirish huquqlari va rollar noto‘g‘ri ajratilishi xavfsizlik buzilishlari va moliyaviy yo‘qotishlar xavfini oshiradi. Shuning uchun biz har bir xodimga faqat kerakli va cheklangan ruxsatlar berishni tavsiya qilamiz. Nega bu muhim? Bunday xatoliklar real holatda jiddiy oqibatlarga olib kelgan — masalan, xodim tomonidan mablag‘ o‘g‘irlanishi yuz bergan (

Keys 4⁠

⁠