Skip to content
Gallery
Комисија за настава на Флф
Добредојдовте!
Настани
Наставници
Студенти
Медиуми
Share
Explore
Настани

icon picker
Каде и како понатаму?

Дискусија за реализираните и планираните активности за унапредување на наставата, со простор за идеи од сите колеги

Нашите приоритети

Комисијата за унапредување на наставата на Филолошки факултет во изминатиот семестар работеше на следните два приоритети:
1. Осмислување и организирање настани за професионална надградба (на пр. вебинари, проекти), на кои ќе се разговара и/или работи на теми поврзани со наставата, со цел да се поттикне размена на идеи и искуства помеѓу колегите

2. Подобрување на комуникацијата студенти-наставници-Факултет, на пр. преку повикување на студентите редовно да коментираат аспекти од наставата што ја следат.
Во врска со точка 1, досега беа организирани серија тематски и други вебинари за обука и вмрежување на наставниците. Се надеваме дека колегите органски ќе продолжат да самоиницираат слични настани во рамките на нивните области, со динамика и на теми по нивен избор. Планираме да продолжиме со тие активности, но и да понудиме други иницијативи за професионално усовршување во текот на следниот (летен) семестар. За некои од нашите предлог-иницијативи погледнете
тука
⁠
, иако секогаш сме отворени за нови идеи!
Што се однесува до точка 2, на крајот на овој семестар планираме да спроведеме пилот-анкета за испитување на ставовите на дел од студентите во врска со наставата што ја следат, како подготовка за пошироко, системско прибирање на ставовите на сите студенти. Понатаму, планираме да побараме од студентите да опишат добри наставни практики на Филолошки - се надеваме дека нивните размислувања ќе бидат корисно четиво за сите нас.

Најава за настанот

Би ни претставувало задоволство да ги продискутираме реализираните и планираните активности со поширок круг колеги заинтересирани за унапредување на наставата на Факултетот. Секако, нѐ интересираат и вашите идеи!
Затоа, ги каниме сите колеги, наставници и студенти, на вебинар на 22.12 (вторник) од 18:00 часот на Зум:
Topic: Каде и како понатаму?
Time: Dec 22, 2020 06:00 PM Budapest
Join Zoom Meeting
⁠
https://zoom.us/j/91256340822?pwd=V1l0YmZrQVN4a2lkMzg2WVMyRXNCZz09
⁠
Meeting ID: 912 5634 0822
Passcode: v1ZKrL

Белешки од настанот

· На почетокот од дискусијата, на која беа присутни 70-тина учесници, беа изложени дотогашните активности на Комисијата за унапредување на наставата на Филолошкиот факултет, и тоа: пленарната дискусија посветена на споделување на искуствата од двете минати испитни сесии, како и серијата тематски дискусии посветени на наставата по јазик, книжевност, преведување и толкување, методика, на лекторската настава и на реализираната обука за платформата Мудл.
· Беше претставена страницата „Настава на Флф“ на Кода, каде се поставуваат најавите за одредени активности на Комисијата и резимираните заклучоци од средбите. Се обрна внимание на делот посветен на студентите, и тоа во однос на тековната анкета за исклучителни наставни практики, како и на планираната пилот-анкета за нивните ставови за курсевите, која би требало да стане формализирана институционална практика. Се зборуваше и за плановите студентите да се вклучат како говорници во идни настани, и тоа на актуелни теми (на пр. акредитација). Од друга страна, и за наставниците се планираат одредени активности во кои тие би се вклучиле доброволно (интерно анкетирање на студентите и можноста да посетат час на колега, што ќе овозможи унапредување на сопствената наставна практика низ призмата на туѓото искуство).
· Во дискусијата беше изразена дилема во однос на тоа дали и како ќе се постигне анонимност на студентите при електронското прибирање коментари во врска со курсевите што ги следат. Се предвидува стручна поддршка за обезбедување на анонимноста на анкетираните студенти (преку соодветна енкрипција), како и гарантирање на единственоста во остварувањето на правото за пристапување кон анкетата (еден студент да ја пополни анкетата само еднаш и да биде мотивиран да го стори тоа преку ефективни визуелни и графички решенија).
· Колегите се осврнаа на практичното спроведување на идејата за присуство на час кај колега, во смисла на начинот како некој наставник би ја разбрал таа иницијатива, особено од гледната точка на наставникот кој во тој одделен случај ќе биде домаќин, на што беше одговорено дека наставниците се вклучуваат во овој процес исклучително на доброволна база и соработуваат со колеги во кои имаат доверба.
· Беше истакната потребата од организирање на вебинарите и дискусиите на одредени теми преку нивно систематизирање во помали групи, што овозможува тие да се случуваат спонтано, односно по потреба. Дополнително, би можело да се организираат и вебинари каде главни дискутанти би биле студентите, дури и во форма на еден вид туторство или менторска настава, како меѓу студентите од различни катедри, така и помеѓу студенти што слушаат различни предмети. Истиот принцип може да се примени и во однос на наставниците, кои можат да присуствуваат на час кај колега кој не мора да е нужно од нивната потесна стручна област.
· Се изрази потребата од повикување на идните работодавачи (директори, наставници, невладини организации, издавачки куќи и сл.) на соодветни средби и работилници. Како добар пример беше истакнат
Центарот за кариера на Економскиот факултет
⁠
. Исто така, се дискутираа и можностите за посета од страна на скоро-дипломирани студенти кои се во работен однос и кои би им зборувале на нивните помлади колеги за нивните искуства од практиката. Во таа смисла, се зборуваше и за формирање на мрежа на дипломирани студенти во форма на алумни.
· Дискутантите се осврнаа и на потребата од кадровско засилување во Информатичкото одделение на Филолошкиот факултет, како и изнаоѓање соодветен начин за вклучување и на останатиот наставен кадар во организираните активности.
· Дел од колегите се осврнаа на потребата од организирање на попрактична работилница (или серија работилници) за платформата Мудл (не само преглед на можностите на Мудл), која би можела да трае и неколку сесии/денови. Се зборуваше и за нужноста од фокусирани вебинари, или снимки од презентации, за одредени специфични прашања од практиката.
· Во однос на обезбедување психолошка поддршка како за наставниот кадар така и за студентите, се истакна потребата од достапност на одредено лице (психолог) во текот на неколку часа или неколку денови од седмицата, како системско решение на институционално ниво.
· На крајот од вебинарот се дискутираше и за различните начини на изведување на испитите по електронски пат.

Снимка од настанот

⁠
https://drive.google.com/drive/folders/1N_HaE1fl8flWLxov-mfTL8WT59NR1ZE9?usp=sharing
⁠
⁠
Нашите приоритети
Најава за настанот
Белешки од настанот
Снимка од настанот
Want to print your doc?
This is not the way.
Try clicking the ⋯ next to your doc name or using a keyboard shortcut (
CtrlP
) instead.